ასოციაცია სოფლის მეურნეობის განვითარებისთვის აქტიურად უწყობს ხელს ერთი სოფელი, ერთი პროდუქტი (OVOP)  მიდგომების განვითარებას. ეს მიდგომა მიზნად ისახავს ადგილობრივი წარმოების განვითარების ხელშეწყობას, პროდუქტის ტერიტორიული იდენტობის შენარჩუნებით ადგილობრივი ბრენდების პოპულარიზაციას.  აღნიშნულ საკითხთან დაკავშირებით, ასოციაციის ინიციატივით გაიმართა ჭაქვინჯის ადმინისტრაციული ერთეულის წარმომადგენლებთან შეხვედრა, რომელსაც ფერმერთა რეგიონული საბჭოს ხელმძღვანელი ბესარიონ ირემაძე და RDA-ის რეგიონული საინფორმაციო-საკონსულტაციო სამსახურის ხელმძღვანელი გიორგი ქვარაია ესწრებოდნენ. შეხვედრაზე მოხდა გოგრის, როგორც ჭაქვინჯის თემში ფართოდ  გავრცელებული კულტურის და მაღალი დამატებითი ღირებულების მქონე  8-10 დასახელების პროდუქტის შექმნის პერსპექტივის მქონე პროდუქტის შესახებ დისკუსია. დაიგეგმა მოცემული პროდუქტის გადამუშავების ტექნოლოგიების მიმართულებით შეხვედრები და კონსულტაციები სპეციალისტთან. OVOP -ის კონცეფციის მხარდაჭერას სამეგრელო ზემო-სვანეთის რეგიონში ახორციელებს AFAD, გაეროს განვითარების პროგრამა საქართველოში (UNDP Georgia) და შვეიცარიის თანამშრომლობის ოფისი სამხრეთ კავკასიაში ( SDC) ფინანსური მხარდაჭერით.